తమిళనాడు గవర్నర్‌గా కృష్ణం రాజు.. సోషల్ మీడియాలో వైరల్!

1/7/2021
బీజేపీ సీనియర్ నేత, రెబల్ స్టార్ కృష్ణం రాజుకు కేంద్రం గవర్నర్ పదవి అప్పగించిందని ప్రచారం జరుగుతోంది. కృష్ణం రాజును తమిళనాడు గవర్నర్‌గా నియమిస్తున్నారంటూ సోషల్ మీడియాలో ప్రచారం జోరందుకుంది. కొందరైతే ఏకంగా బీజేపీ నేతకు అభినందనలు తెలుపుతూ ట్వీట్లు చేస్తున్నారు. దీంతో ప్రభాస్ ఫ్యాన్స్ ఫుల్ ఖుషీగా ఫీలవుతున్నారు. కానీ ఈ విషయంలో అధికారికంగా ప్రకటన రావాల్సి ఉంది.

1998లో కాకినాడ నుంచి లోక్ సభకు ఎన్నికైన కృష్ణం రాజు.. 1999లో మరోసారి ఎంపీగా ఎన్నికయ్యారు. వివిధ కమిటీల్లో సభ్యుడిగా పని చేశారు. 2000 సంవత్సరంలో కేంద్ర సహాయ మంత్రిగా బాధ్యతలు చేపట్టారు. 2009లో చిరంజీవి ప్రజారాజ్యం పార్టీలో చేరిన కృష్ణం రాజు.. అనంతరం కొన్నాళ్లు రాజకీయాలకు దూరంగా ఉన్నారు. తర్వాత మళ్లీ బీజేపీలో చేరారు.

పశ్చిమ గోదావరి జిల్లా మొగల్తూరులో జన్మించిన కృష్ణం రాజు.. శ్యామలా దేవిని పెళ్లాడారు. వీరికి ముగ్గురు ఆడపిల్లలు ఉన్నారు. కెరీర్ ఆరంభంలో కృష్ణం రాజు జర్నలిస్టుగా పని చేశారు. 1966లో ఆయన టాలీవుడ్‌లోకి అడుగుపెట్టారు.

2014లో కేంద్రంలో బీజేపీ అధికారంలోకి వచ్చాక తెలంగాణకు చెందిన విద్యాసాగర్ రావును మహారాష్ట్ర గవర్నర్‌గా ఎంపిక చేశారు. ఆయన కొద్ది కాలంపాటు తమిళనాడు ఇంఛార్జి గవర్నర్‌గానూ వ్యవహరించారు. బండారు దత్తాత్రేయ ప్రస్తుతం హిమాచల్ ప్రదేశ్ గవర్నర్‌గా వ్యవహరిస్తున్నారు. వెంకయ్య నాయుడు ఉపరాష్ట్రపతిగా వ్యవహరిస్తోన్న సంగతి తెలిసిందే.

More news

Related News

-Next--Last