బండి సంజయ్ కారుపై టీఆర్ఎస్ కార్యకర్తల దాడి.. కారు అద్దాల ధ్వంసం

11/30/2020
రాష్ట్ర బీజేపీ అధ్యక్షుడు బండి సంజయ్ ను పీపుల్స్ ప్లాజాకు వచ్చారు. ఈ సమయంలో టీఆర్ఎస్ కార్యకర్తలు ఆయన్ను అడ్డుకున్నారు. సంజయ్ తన కారులో నగదుతో వచ్చి పంపిణీకి సిద్ధపడ్డారని ఆరోపించారు. ఖైరతాబాద్ టీఆరఎస్ అభ్యర్ధి విజయా రెడ్డి అక్కడకు చేరుకుని లేక్ వ్యూ పోలిస్ స్టేషన్ సమీపంలోని ఓ హోటల్ కు వెళ్లిన సంజయ్ ను ప్రశ్నించారు. దీంతో అక్కడికి పోలీసులు రంగ ప్రవేశం చేశారు. డివిజన్లో సంజయ్ డబ్బులు పంపిణీ చేస్తున్నారని ఆరోపించారు.

వెంటనే పోలీసులు సంజయ్ సొంత వాహనంలో తరలించారు. అయన వెనుకనే పార్టీ కేటాయించి వాహనం కూడా వెళ్తూండగా టీఆర్ఎస్ కార్యకర్తలు అడ్డుకున్నారు. ఆ కారును టీఆర్ఎస్ కార్యకర్తలు చేసిన దాడితో కారు అద్దాలు పగిలిపోయాయి. సంజయ్ ఉన్న కారు వెళ్లిపోవడంతో ఈ దాడి నుంచి సంజయ్ తప్పించుకున్నారు. అయితే.. దాడి చేసిన కారులో సంజయ్ ఉన్నారనే టీఆర్ఎస్ కార్యకర్తలు దాడి చేసారనే వార్తలు కూడా వస్తున్నాయి.

టీఆర్ఎస్ నాయకులు, కార్యకర్తలు చేస్తున్న ఆరోపణలను బీజేపీ కార్యకర్తలు ఖండించారు. ఆ సమయంలో హుస్సేన్ సాగర్ పరిశీలనకు మాత్రమే సంజయ్ వచ్చారని అంటున్నారు. ఈ ఘటన సంచలనం సృష్టించడంతో హుటాహుటిన పోలీసు ఉన్నతాధికారులు అక్కడికి చేరుకుని ఇరువర్గాలను అక్కడి నుంచి పంపించేశారు.

Other news

More News

-Next--Last