Bigg Boss 5 Telugu: బిగ్‏బాస్‏లో వారి గురించి షాకింగ్ కామెంట్స్ చేసిన అరియానా

Ariyana: బిగ్‏బాస్ సీజన్ 4 హౌస్‏లోకి బోల్డ్ బ్యూటీగా ఎంట్రీ ఇచ్చి.. తనదైన ఆట తీరు, మాటలతో ప్రేక్షకులను ఆకట్టుకుంది యాంకర్ అరియానా గ్లోరీ.. మొదట్లో నెగిటివ్ ఇంప్రెషన్ తెచ్చుకున్నా.. రాను రాను తన మాట, ఆట తీరుతో బుల్లితెర ప్రేక్షకులకు ఫేవరేట్ కంటెస్టెంట్‏గా మారింది. ఒకనొక సమయంలో అరియానా ఫైనల్ విజేత కావాలని నెట్టింట్లో కామెంట్లతో రచ్చ చేసిన సందర్భాలున్నాయి. ఇంట్లో ఉన్న అబ్బాయిలకు గట్టి పోటినిస్తూ.. సింగిల్‏గా ఫైనల్ వరకు వచ్చింది. అప్పటి వరకు చాలా తక్కువ మందికి తెలిసిన అరియానా.. ఈ షో తర్వాత ఎంతో మంది అభిమానులు సొంతం చేసుకుంది. దాదాపు 15 వారాలు ఇంట్లో సందడి చేసిన అరియానాకు ఈ షో తర్వాత వరుస ఆఫర్లు క్యూ కట్టాయి. ప్రస్తుతం వరుస సినిమాలతో అరియానా బిజీగా గడిపేస్తుంది. తాజాగా ఈ అమ్మడు ఇప్పుడు బిగ్‏బాస్ సీజన్ 5 ముచ్చట్లను చెప్పేందుకు రెడీ అయ్యింది. బిగ్‏బాస్ బజ్ హోస్ట్ గా సందడి చేయబోతున్న సంగతి తెలిసిందే. ఇప్పటికే ఇందుకు సంబంధించిన ప్రోమోలను విడుదల చేసింది స్టార్ మా, స్టార్ మా మ్యూజిక్.

తాజాగా అరియానా తన ఇన్‏స్టాలో ఓ వీడియోను షేర్ చేసింది. అందులో బిగ్‏బాస్ షో గురించి అందులో ఎలిమినేట్ అయ్యే వారి గురించి కొన్ని షాకింగ్ కామెంట్స్ చేసింది. బిగ్‏బాస్ బజ్ చేయడం నాకు కష్టంగా ఉంది. ఎందుకంటే నేను హౌస్‏లో ఉన్నప్పటి విషయాలు గుర్తొస్తున్నాయి. ఈరోజు ఎలిమినేట్ అయ్యే వ్యక్తిని ఫేస్ చేయబోతున్నా.. ఆ వ్యక్తి ఎవరనేది నాకు తెలీదు. హౌస్ నుంచి బయటకు వచ్చే వ్యక్తికి నేను ఇచ్చే సందేశం ఒకటే. జీవితం చాలా పెద్దది. ప్రతి ఒక్కటి ఒక అనుభవం. ఇది చాలా పెద్ద అనుభవం.. ఈ అనుభవం నుంచి జీవితాన్ని ఇంకా చూడబోతున్నారు. జీవితమే ఒక పెద్ద ఛాలెంజ్. బాధగా ఉన్నా.. దాన్ని స్వీకరించాల్సిందే.. అని అరియానా చెప్పుకొచ్చింది.

Other news