Bangarraju Twitter Review: నాగార్జున, నాగచైతన్య, కృతి శెట్టిల ‘బంగార్రాజు’ ట్విట్టర్ రివ్యూ.

కింగ్ నాగార్జున, నాగ చైతన్య, కృతి శెట్టి, రమ్యకృష్ణ కాంబినేషన్‌లో బంగార్రాజు సినిమా తెరకెక్కింది. సోగ్గాడే చిన్ని నాయన బ్లాక్ బస్టర్ అవ్వడంతో ఈ సినిమాను సీక్వెల్‌గా తెరకెక్కించారు. పండుగకు పట్టుబట్టి నాగార్జున మరీ బరిలోకి దిగాడు. అయితే సినిమాను జెట్ స్పీడ్ వేగంతో పూర్తికానిచ్చారు. ప్రమోషన్స్ దాని కంటే వేగంగా చేశారు. మొత్తానికి సినిమా నేడు విడుదలైంది. ఇక ట్విట్టర్‌లో అక్కినేని అభిమానుల హవా కూడా ప్రారంభమైంది. బంగార్రాజు సినిమా మీద ట్విట్టర్‌లో జరుగుతున్న చర్చ ఏంటో చూద్దాం.

యూఎస్ ప్రీమియర్స్ అంటూ కొంత మంది నెగెటివ్ టాక్ స్ప్రెడ్ చేస్తుండటంతో ఇంకొంత మంది అభిమానులురంగంలోకి దిగారు. ఏడుపులు కాస్త ఆపుకోండి.. ప్రీమియర్స్ రివ్యూ తొక్కా తోటకూర అన్నీ స్క్రాప్.. మాస్ యూరోపియాను మీరు చూడబోతోన్నా.. సింగిల్ స్క్రీన్ టాక్ తీసుకోండి అని అంటున్నారు.

సినిమా మీద పాజిటివ్ రివ్యూలు వస్తున్నాయ్.. ఇంటర్వెల్ నుంచి క్లైమాక్స్ వరకు వేరే లెవెల్ ర్యాంప్ అంటా అని ఇంకో నెటిజన్ ట్వీట్ కొట్టాడు.

ఫస్ట్ హాఫ్ ఫ్యామిలీస్‌కి, సెకండాఫ్ మాత్రం అదిరిపోయింది. పండగ సినిమా అంటూ ఇంకొంత మంది నెటిజన్లు కామెంట్లు పెడుతున్నారు. చైతూ రఫ్పాడించాడు.. నాగార్జున మాస్ అవతారంలో అదరగొట్టేశాడు అని అంటున్నారు.

ఫస్ట్ హాఫ్ బాగుంది.. సెకండాఫ్ దానికంటే బాగుంది.. అక్కినేని అభిమానులకు కన్నులపండువగా ఉందని ఇంకో నెటిజన్ ట్వీట్ పెట్టేశాడు. కింగ్ నాగ్ మాస్ అవతారాన్ని మరోసారి చూడబోతోన్నామని మరి కిందరు అంటున్నారు. యూఏఈలో షో స్టార్ట్ అయింది.. సినిమా బ్లాక్ బస్టర్ అని కామెంట్లు కనిపిస్తున్నాయి. ఒక్క మాటలో సినిమా గురించి చెప్పాలంటే బ్లాక్ బస్టర్ అని కామెంట్లు పెట్టేస్తున్నారు.

ఇక సినిమా ఏమీ బాగాలేదని, రాడ్ సినిమా, అట్టర్ ఫ్లాప్, డిజాస్టర్ అని కొందరు కామెంట్లు పెడుతున్నారు. మరి ఇది కావాలని చేస్తున్న నెగెటివిటీనా? నిజంగానే సినిమా బాగా లేదా? అన్న విషయాలు తెలియాలంటే ఇంకొన్ని గంటలు ఆగాల్సిందే.

Other news