Ind vs Pak: పాక్ గెలిచిందని భార్య ఆనందం.. పోలీసులకు భర్త కంప్లైంట్.. కేసు నమోదు

11/6/2021
ఇండియా, పాక్ మధ్య క్రికెట్ మ్యాచ్ అంటే ఇరు దేశాల్లో టెన్షన్ ఎలా ఉంటుందో ప్రత్యేకంగా చెప్పాల్సిన పనిలేదు. ఇటీవల టీ20 ప్రపంచకప్​లో పాకిస్థాన్​తో జరిగిన మ్యాచ్​లో భారత్​ ఘోర పరాజయం చవిచూసింది. ఈ విషయాన్ని టీమ్​ఇండియా ఫ్యాన్స్ అస్సలు జీర్ణించుకోలేకపోతున్నారు. ఓటమికి కొందరు ఆటగాళ్లను బాధ్యులను చేస్తూ ట్రోలింగ్ జరుగుతోంది. ఇక భారత్ వీరాభిమానుల వేదను వర్ణించ వీలులేనింది. అయితే ఉత్తర్​ప్రదేశ్​ రామ్​పుర్​లో ఓ ఘటన ఇప్పుడు హాట్ టాపిక్‌గా మారింది. పాకిస్థాన్​కు మద్దతు తెలిపిన భార్యపై పోలీసులకు కంప్లైంట్ చేశాడో వ్యక్తి. ఘటనపై కేసు నమోదు చేసుకున్న పోలీసులు దర్యాప్తు చేపట్టారు. వివరాల్లోకి వెళ్తే.. గత నెల అక్టోబరు 24న ఇండియా​-పాకిస్థాన్​ మధ్య జరిగిన టీ20 వరల్డ్ కప్​ మ్యాచ్​లో భారత్​పై పాక్ గ్రాండ్ విక్టరీ కొట్టింది. ఆ సమయంలో ఢిల్లీలో తన స్నేహితులతో కలిసి మ్యాచ్​ చూసిన ఇషాన్​ మియాన్​ అనే వ్యక్తి మిగతా భారత అభిమానుల్లానే చాలా డిసప్పాయిండ్ అయ్యాడు. అదే సమయంలో తన వాట్సాప్​ చూడగా.. అందులో పాక్​ గెలుపును ఆనందిస్తున్నట్లు తన భార్య స్టేటస్​ కనిపించింది.

దీంతో ఇషాన్​ మియాన్ కోపంతో రగిలిపోయాడు. భార్య ప్రవర్తనను సహించలేక​ రామ్​పుర్​ ఎస్​పీని కలిసి ఈ విషయంపై కంప్లైంట్ చేశాడు. తన భార్యపై తగిన చర్యలు తీసుకోవాలని పేర్కొన్నాడు. భారత్​పై ఆమె అనుచిత వ్యాఖ్యలు చేసిందని ఆవేదన వ్యక్తం చేశాడు. రబియా స్టేటస్​ ఆధారంగా పోలీసులు సెక్షన్​ 153ఏ, 66 కింద కేసు ఫైల్ చేశారు. నిందితురాలిని త్వరలోనే అరెస్ట్​ చేస్తామని పోలీసులు తెలిపారు.

More news

Related News