Drunk Driving Cases: డ్రంక్ అండ్ డ్రైవ్ కేసుల్లో వాహనాల జప్తుపై హైకోర్టు కీలక ఆదేశాలు..

11/5/2021
డ్రంక్ అండ్ డ్రైవ్ కేసుల్లో వాహనాల జప్తుపై తెలంగాణ హైకోర్టు కీలక ఆదేశాలు జారీ చేసింది. మద్యం సేవించి నడిపితే వాహనం సీజ్ చేసే అధికారం పోలీసులకు లేదని హైకోర్టు పేర్కొంది. అలాగే మద్యం సేవించిన వ్యక్తి వాహనం నడిపేందుకు అనుమతించవద్దన్న న్యాయస్థానం.. మద్యం తాగని మరో వ్యక్తి వాహనదారుడి వెంట ఉంటే.. అతడికి వాహనాన్ని అప్పగించాలని తెలిపింది.

ఒకవేళ వాహనదారుడి వెంట ఎవరూ లేకపోతే బంధువు లేదా స్నేహితుడిని పిలిపించి వాహనాన్ని ఇవ్వాలని సూచించింది. ఎవరూ రాకపోతే వాహనం పీఎస్‌కు తరలించి.. తర్వాత అప్పగించాలని తెలిపింది. ఇక ప్రాసిక్యూషన్ అవసరమైన కేసుల్లో 3 రోజుల్లో ఛార్జ్‌షీట్ వేయాలని హైకోర్టు తెలిపింది. ప్రాసిక్యూషన్ పూర్తయ్యాక వాహనాన్ని అప్పగించాలని పోలీసులకు ఆదేశాలు జారీ చేసింది. కాగా, హైకోర్టు ఇచ్చిన ఆదేశాలు అమలు చేయని పోలీసులపై కోర్టు ధిక్కరణ చర్యలు తీసుకోవాలి స్పష్టం చేసింది.

More news

Related News